Bryndís Hauksdóttir

Gleðilegt ár ættingjar, vinir og aðrir sem að lesa þetta blogg. Ég fór í matarboð til Sigga og Sigurrósar á laugardagskvöldið og umm.. þvílíkt lostæti sem þar var á borðstólum, takk takk fyrir mig., þar voru þau hjón Bjarni og Alda, mjög skemmtileg hjón.Þegar ég svo var komin upp í rúm í gærkvöldi þá sóttu svo miklar hugsanir að mér um frænda minn sem ég ólst nánast upp með fyrstu sjö ár ævi minnar, amma Bryndís sem ég ólst upp hjá og mamma hans voru systur og það nánar systur  Rabbi frændi árinu eldri en ég jæja nema hvað það komst ekkert annað að hjá mér að velta því fyrir mér hvað væri að frétta af Rabba ég hef ekki séð Rabba í rúm þrjátíu ár datt í hug að goggla nafnið hans  og þá kemur í ljós að Rabbi frændi hafði látist í vinnuslysi út í Svíðþjóð 5 nóvember. Já Rabbi ég veit að varst að koma boðum til mín, ég ætla af öllum mínum mætti að biðja fyrir sálu þinni elsku frændi

Þau komu syngjandi inn Guðrún og Helgi  "Jesús er besti vinur barnana og svo framvegis. 'Eg voða glöð að heyra í þeim  þau segja mér að djákninn hafi komið í heimsókn . Guðrún segir amma veistu hún fór líka með faðirvorið mitt, og eins og vanalega þá skilur þessi amma ekki neitt og spyr  faðirvorið þitt ? já amma faðir vorið sem ég kann, já þú meinar það segir amman. Þá segir Guðrún amma ég myndi ekki hafa faðirvorið svona nú segir amman hvernig myndir þú hafa það ? Sko ég myndi hafa svona Kæri Guð þú sem ert á himnum.......... afhverju segir amman sko faðir minn er ekki á himnum  hann fór með afa í Reykjavík og þá varð amman orðlaus.

Það er alltaf gaman að segja sögur af barnabörnunum. Einu sinni var Elísa eitthvað að stríða Guðrúnu systir sinni það endaði með því að sú stutta fór að gráta  og gamla ég fór að reyna að stilla til friðar tók litlu dömuna í fangið og sagði meðal annars við skulum láta sem við heyrum þetta ekki dúllan mín Elísa er bara að verða gelgja og þá verða krakkar svona, Guðrún spáir í þetta dágóða stund og segir þá amma hvenær verður Elísa sjúklingur, nú skildi amman ekki alveg og hváði við  þá sagði daman svona hinseigin barn og þá skildi amman þú meinar unglingur  já ég er að meina það amma. Elísa er 9 ára Guðrún er 5 ára.